![](https://eacnews.asia/uploads/images/441.jpg)
រដ្ឋបាលខេត្តត្បូងឃ្មុំរកឃើញវិជ្ជមានជំងឺកូវីដ-១៩ថ្មី ចំនួន០២នាក់ទៀត នៅថ្ងៃទី០៥ ខែឧសភា ឆ្នាំ២០២១
ខេត្តត្បូងឃ្មុំ ៖ ប្រជាពលរដ្ឋរស់នៅក្នុងស្រុកក្រូចឆ្នារ និងស្រុកតំបែរ ខេត្តត្បូងឃ្មុំ ចំនួន០២នាក់ទៀត ម្នាក់ឈ្មោះ ពេជ្រ គួច ភេទប្រុស អាយុ ២៣ឆ្នាំ នៅភូមិដីដុះ ឃុំប៉ឺស២ ស្រុកក្រូចឆ្មារ ខេត្តត្បូងឃ្មុំ និងម្នាក់ទៀតឈ្មោះ អៀន នឿន ភេទស្រី អាយុ ៦៥ឆ្នាំ នៅភូមិសេដា ឃុំសេដា ស្រុកតំបែរ ខេត្តត្បូងឃ្មុំ ត្រូវបានរកឃើញវិជ្ជមានជំងឺកូវីដ-១៩ថ្មីដោយមន្ទីរពិសោធន៍នៃវិទ្យាស្ថានប៉ាស្ទ័រកម្ពុជា និងតេស្តរហ័ស(Rapid Test)។
រដ្ឋបាលខេត្ត បានអំពាវនាវដល់ប្រជាពលរដ្ឋដែលបានប៉ះពាល់ដោយផ្ទាល់ សូមរួសរាន់មកជួបក្រុមគ្រូពេទ្យ និងធ្វើចត្តាឡីស័ក ដើម្បីយកសំណាកទៅពិនិត្យ និងអ្នកប៉ះពាល់ដោយប្រយោលជាមួយអ្នកវិជ្ជមានជំងឺកូវីដ-១៩ ទាំង០២នាក់ខាងលើ សូមរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួនដោយមិនត្រូវពាក់ព័ន្ធនិងប៉ះពាល់ជាមួយអ្នកដទៃជាដាច់ខាត។
រដ្ឋបាលខេត្តត្បូងឃ្មុំថា ប្រសិនបើប្រជាពលរដ្ឋក្នុងស្រុកទាំងពីរនេះមានរោគសញ្ញា ផ្ដាសាយ ក្អក ហៀរសំបោរ ឈឺបំពងករ ថប់ដង្ហើម ឬរោគសញ្ញាសង្ស័យផ្សេងៗ សូមទៅពិនិត្យសុខភាពនៅតាមមន្ទីរពេទ្យ ឬមណ្ឌលសុខភាព ដែលស្ថិតនៅជិតកន្លែង ដែលបងប្អូនស្នាក់នៅ និងរាយការណ៍ជូនអាជ្ញាធរមូលដ្ឋានជាបន្ទាន់ ឬទំនាក់ទំនងតាមទូរស័ព្ទលេខ ០១២ ៩៨៣ ៦៣៩ /០៩៧ ៦៤៧ ៧៧៣៧/ ០១២ ៩៦៨ ៤៣២ និង០៩៧ ៩៧៩ ៩៨៩៨៕